СOVID-19 ПАНДЕМИЯСЫ КЕЗІНДЕГІ БҰҚАРАЛЫҚ АҚПАРАТ ҚҰРАЛДАРЫНЫҢ РӨЛІ: «ЕГЕМЕН ҚАЗАҚСТАН» МЕН«АЗАТТЫҚ РАДИОСЫ» МЫСАЛЫНДА

Аңдатпа

СOVID-19 пандемиясы кезінде бұқараға ақпарат тарату
мақсатында масс медиаға сенім ерекше артылды. Пандемия бұқаралық
ақпарат құралдарының басты тақырыбына айналып, журналистердің
ақпарат берудегі рөлі де еселене түсті. Осы мәселелер мақаланың басты
өзегіне айналып отыр.
2020-2021 жылдар аралығында әлемдік БАҚ-та СOVID-19 мәселесін
көтерген түрлі жанр мен формадағы материалдар қатары ерекше артқан.
Бұл үрдістен Қазақстан да қалыс қалмады. Зерттеу нысаны ретінде
«Егемен Қазақстан» мен «Азаттық радиосы» алынып, екі порталдың
пандемия тақырыбын берудегі ерекшеліктері анықталып, контент-анализ
жасалды. Сонымен қоса, пандемия кезіндегі бұқаралық ақпарат
құралдарының осал және ұтымды тұстарына да ғылыми тұжырым
жасалды.